Мэдээлэл, Судалгаа

We are a group of experienced valuation services and real estate management. We set new standards & make future happen.

Хөрөнгийн зах зээлийн хөрсөнд ургах үр

Б.Энхцэцэг

Жилийн дөрвөн улиралд, цаг агаарын хүнд ширүүнийг үл хайхран хар захын задгай талбайд өөрийн урласан модон сийлбэр эдлэлүүд, төрөл бүрийн тавилга, монгол гэрээ чанга дуугаар хашгиран сурталчилж, хэрэглэгчдэд хүргэдэг залуу н.Болд хэдэн жилийн дараа жижиг хэмжээний үйлдвэртэй болохыг мөрөөддөг. Тэрбээр магадгүй Монголыг дэлхийд таниулах брэндүүдийн нэгийг бий болгосон, олон нийтэд хувьцаагаа гаргаж үйлдвэрлэлээ тэлсэн жишиг компаниудын нэгийг ч байгуулж мэдэх. Өнөөдрийн “магадгүйд” маргаашийн бодит байдал нуугдаж л байдаг.

Манай улсын олон бизнес эрхлэгчид үйл явц нь арай хялбар гэдгээр нь банкнаас зээл авч, үйл ажиллагаагаа тэлэхийг илүүд үзнэ. Гэвч үүний нөгөө талд зээлийн хүүгийн эрсдэл, эргэн төлөлт, валютын ханшийн зөрүү гэх мэт эрсдэлүүд биднийг отож байдаг. Өнөөдөр монголчууд төдийлэн зүрхэлж ашигладаггүй   хөрөнгө оруулалт татах бас нэг санхүүгийн арга хэрэгсэл бий. Энэ бол IPO буюу хөрөнгийн зах зээл дээр үнэт цаас гаргах. Тус санхүүжилтийн арга нь банкны зээлтэй зэрэгцэх үнэ цэнэтэй ба зарим талаар илүү ашигтай хувилбар. Энэ төрлийн хөрөнгө оруулалт нь урт хугацааны бөгөөд хүүгүй байдаг. Гэсэн ч цөөн захирлууд үүнийг сонгодог нь харамсалтай. Анхдагч зах зээл дээр үнэт цаас гаргах нь тэшүүрээр гулгахтай адил үйл явц гэж хэлж болох. Хэрвээ танд тодорхой хэмжээний ур чадвар, цаг хугацаа, бэлтгэл бас бага зэргийн аз байваас хөрөнгийн зах зээл дээр үнэт цаас гаргах нь хүлээж байснаас чинь ч илүү өндөрт хурдтай гаргах болно. Харин цагаа олоогүй, бэлтгэл тааруу яаран хөрөнгийн зах зээл дээр орж ирвээс, аз таниас харьж, шороотой холилдох эрсдэл өндөр.

Гаднын жишээг ярихаас илүү Монголын хөрөнгийн биржийн босгыг алхаж, үнэт цаасаар дамжуулан үйл ажиллагаагаа тэлж, зах зээлийн үнэлгээгээ нэмэгдүүлсэн цөөнгүй компани байдаг. Тухайлбал, “Би Ди Сек” компани нь анх 2006 онд Монголын хөрөнгийн биржийн анхдагч зах зээл дээр үнэт цаасаа гаргасан бөгөөд тухайн үед олон нийтээс татан төвлөрүүлсэн нийт хөрөнгө нь ердөө 750 сая гаруй төгрөг байсан аж. /Хүснэгт 1/ Тухайн үед зах зээлийн үнэлгээ нь нэг тэрбум төгрөг байсан бөгөөд түүнээс хойш хоёр удаа нэмэлт хувьцаа гаргасан тус компанийн одоогийн үнэлгээ 27.4 тэрбум болтол өсөөд байгаа юм. “Би Ди Сек” компанийн дараа буюу 2008 онд хувьцаагаа гаргасан “Гермес центр” ХК тухайн үед 2.3 тэрбум төгрөгийн хөрөнгийг Монголын хөрөнгийн биржээс босгожээ. Тэр үед тус компанийн зах зээлийн үнэлгээ 7.8 тэрбум гаруй төгрөгөөр хэмжигдэж байсан бол өнөөдөр хоёр дахин өсөж 14 тэрбум гаруй болжээ. Дөрвөн жилийн өмнө тус компанийн хувьцааны ширхэгийн нэрлэсэн үнэ нь 100 төгрөг байсан бол одоо 180 төгрөг орчимд хэлбэлзэж байна. Гэхдээ өнөөдөр Монголын хөрөнгийн зах зээл дээр хувьцаа гаргасан нийт компаниуд бүгд амжилт дагуулсан гэвэл худлаа. Угаас дэлхийн түүхэнд ч хувьцаа гаргасан бүхэн хождог гэсэн жишиг байхгүй. Гэсэн хэдий ч Монголын хөрөнгийн биржийн арилжаа өдгөө ч олигтой сэргэсэн зүйл алга.

Монголын хөрөнгийн бирж дээр 2006 оноос хойш нийт 12 компани үнэт цаас гаргасан бөгөөд тэдний нийт зах зээлийн үнэлгээ 2008 онд 79 тэрбум байсан бол өдгөө дөрвөн жилийн дараах байдлаар 102 тэрбум болоод байгааг Монголын хөрөнгийн биржийн тайлан харуулж буй. Энэ нь хэдийгээр бусад орны хөрөнгийн зах зээлтэй харьцуулахад чамлахаар тоо ч уруудаж буй гэсэн үзүүлэлт бол биш. Харин өндийх боломж буйн дохио.


“Эхний ээлжинд гаднынхан түлхүү хөрөнгө оруулалтын санг сонирхох нь дамжиггүй. Тухайлбал, алт, үл хөдлөх, хувьцаа, Засгийн газрын бондод хөрөнгө оруулах хувийн хөрөнгө оруулалтын сангууд байгуулах талаас тэд сонирхож байна. Гэвч манай улсын хөрөнгө оруулалтын орчин тогтворгүй, макро эдийн засгийн үзүүлэлтүүд тааруу байгаагаас тэд эмээгээд байгаа нь харагдаж байна”


Энэ онд “БиДиСек” компани нэмэлт хувьцаа гаргасныг эс тооцвол сүүлийн хэдэн жил төдийлэн томоохон IPO хийгдээгүй. Монголын компаниудын хувьд ч эдийн засаг хүндэрсэн энэ үед энэ талаар бодох ч сөхөөгүй байгаа бололтой. Гэвч нэг талаар үнэт цаас гаргаж, олон нийтэд хүртээмжтэй компани болох бэлтгэлийг ийм л цаг үед хийдэг ба цаг үеийн тохироо бүрдэнгүүт ажил хэрэг болгох нь зүйтэйг мэргэжилтнүүд хэлдэг.

Санхүүгийн зохицуулах хорооны Үнэт цаасны газрын дарга Т.Жамбаажамц “Олон нийтэд хувьцаа болон бусад төрлийн үнэт цаас гаргахад хууль тогтоомж, зохицуулалтын хувьд одоо үнэт цаасны зах зээлд саад гэхээр зүйл байхгүй” гэв.
Хөрөнгийн зах зээлийн хөрс болох Үнэт цаасны тухай хуулийг өнгөрсөн онд шинэчлэн баталж, энэ оны эхнээс хэрэгжүүлж эхэлсэн. Тус хууль нь Монголын хөрөнгийн зах зээлийн хувьд олон гарцыг нээж өгч, зах зээлийн шинэ үйлчилгээ, бүтээгдэхүүн тухайлбал, кастадион үйлчилгээ, давхар бүртгэл, хадгаламжийн бичиг /DR/ зэргийг нэвтрүүлэх боломжийг олгосон. Үүнтэй холбогдуулан үнэт цаасны хадгаламжийн үйлчилгээ буюу кастадион үйлчилгээг тусдаа байгууллага байгуулахын оронд тодорхой банкинд хариуцуулахаар болсон билээ. Одоогоор тус үйлчилгээг үзүүлэх эрхийг “Голомт” болон “Худалдаа Хөгжлийн” банк авсан бөгөөд техникийн бэлтгэл ажлыг хангаад явж байгааг Санхүүгийн зохицуулах хорооноос мэдээллээ. Харин дотоодын болон гаднын биржид давхар бүртгүүлэх боломжийн хувьд том нөөц боломж байгаа ч одоохондоо хараахан ашиглаж эхлээгүй байна.

Үнэт цаас гаргах сонирхолтой компаниудын хувьд нэг талаас хувьцааг нь худалдаж авах хөрөнгө оруулагчид байгаа болов уу гэх айдас байдаг. Харин тус зах зээлд гэгээ татуулж мэдэх хуулийг өнгөрсөн жил УИХ баталсан. Хөрөнгийн зах зээлийн томоохон тоглогчдын нэгт тооцогддог хөрөнгө оруулалтын сангууд нь мэргэжлийн хүмүүсээр удирдуулсан байдаг учир алдаа гаргах нь ч ховор. Тиймээс хөрөнгийн зах зээл дээр бие даан тоглох боломж дутмаг хүмүүсийн хувьд тус төрлийн сангууд нь сонгодог хувилбар болдог онцлогтой. Мөн гаднын орнуудад тэтгэврийн хувийн сангууд нэлээд түгээмэл бөгөөд хүмүүс ашиглагдахгүй сул хэвтэж байдаг уг мөнгөө эргүүлдэж, насны эцэс дэх амьдралаа баталгаажуулах нь элбэг. Бидэнд ч энэ боломж бүрэн бий. Хууль батлагдснаас хойш төдийлэн хөрөнгө оруулалтын сан гээд тоймтой байгууллага бүрэлдчихээгүй байгаа ч тус бизнесийг сонирхох хүн цөөнгүй байгаагийн зэрэгцээ хөрөнгө оруулалтын санг үүсгэн байгуулах эрхтэй хөрөнгө оруулалтын менежментийн хоёр компани байгуулагдаад байгаа юм байна. Аливаа шинэ бүхэнд хугацаа бас бэлтгэл хэрэгтэй. Ямартай ч бид хөрөнгийн зах зээлийнхээ тоглогчдынхоо хүрээг тэлж чадсан.

Санхүүгийн зохицуулах хорооны Үнэт цаасны газрын дарга Т.Жамбаажамц “Эхний ээлжинд гаднынхан түлхүү хөрөнгө оруулалтын санг сонирхох нь дамжиггүй. Тухайлбал, алт, үл хөдлөх, хувьцаа, Засгийн газрын бондод хөрөнгө оруулах хувийн хөрөнгө оруулалтын сангууд байгуулах талаас тэд сонирхож байна. Гэвч манай улсын хөрөнгө оруулалтын орчин тогтворгүй, макро эдийн засгийн үзүүлэлтүүд тааруу байгаагаас тэд эмээгээд байгаа нь харагдаж байна” хэмээлээ.

Харин одоо юу хэрэгтэй байна вэ гэвэл хөрөнгийн зах зээл дээр зарагдах бүтээгдэхүүн хэрэгтэй. Хувийн хэвшлийнхэн төдийлэн зүрхэлж орж ирэхгүй байгаа энэ үед Төрийн өмчит компаниудыг хөрөнгийн биржээр хувьчлах нь одоогийн нөхцөлд нэг талаас хөрөнгийн зах зээлийг дэмжиж, хөрөнгө оруулагчдыг татах, нөгөө талаас төрийн өмчийн эзэмшлийн хувь хэмжээг багасгах, түүнийг үнэ хүргэж зарах гэсэн зорилтод нийцэж буй сайн хувилбар гэж үзэх хүн олон. Харин 2014-2016 онд хувьчлах төрийн өмчит 22 компаниас ердөө дөрөвхөнийг нь л хөрөнгийн биржийн анхдагч зах зээлээр олонд нээлттэй арилжаална гэж заасан байгаа. Энэ нь нэг талаас горьдлого тээн харуулдсан хөрөнгийн зах зээлийнхний хувьд гонсойлт болж хувирсан. Харин энэ тал дээр Төрийн өмчийн хорооны Бүтцийн өөрчлөлтийн бодлогыг хэрэгжүүлэх газрын дарга Д.Болормаа “Бид зарим компанийг хамтарсан, хөрөнгө оруулалт татах хэлбэрээр төрийн эзэмшлийн хувь хэмжээг нь багасгах гэж байгаа. Компаниудын үнэ цэнийг өсгөж байж, цаашид хувьцаат компани болгох нь зүйтэй. Өнөөдөр дампуурлын ирмэгт тулчихсан, засаглал муутай, технологийн шинэчлэл хийх шаардлагатай компанийг шууд үнэт цаас болгоод гаргавал ямар ч үр дүнд хүрэхгүй. Өөрөөр хэлбэл, үнэт цаасыг нь авах хөрөнгө оруулагч олдохгүй” хэмээн тайлбарласан юм. Ирэх оноос хувьчилахаар төлөвлөж буй дөрвөн компанийн хувьд үнэт цаас болгон гаргахад шаардлага хангасан засаглал сайтай компаниуд гэж үзэж сонгосон гэдгийг тэрбээр мөн хэллээ. Эдгээр компанид “Авто импэкс”, “Хөтөлийн цемент шохойн үйлдвэр”, “Монгол шуудан”, “Багануур” ХК зэрэг багтаж  байна.

Хөрөнгийн зах зээл зөвхөн төрийн компаниудыг хараад суухгүйгээр хувийн хэвшлийнхнийг татан оролцуулах тал дээр идэвхийлэх нь зүйтэй. Энэ бол гол тулгуур. Тиймээс үнэт цаас гаргахыг дэмжих үүднээс холбогдох мэргэжилтнүүдээс УИХ-д цаашид үнэт цаас гаргасан компанийг бодлогоор дэмжиж дунд хугацаанд шатлалтайгаар татвараас чөлөөлөх хөтөлбөрийг өргөн барьчихаад байгаа юм байна. Үнэт цаас гаргасан компаниуд өнөөдөр ашгийн 10, 25 хувийн татвар төлдөг. Үнэт цаас гаргасан тохиолдолд үүнийг удаах гурван жилд 100 хувь, түүний дараагийн гурван жилд 50 хувь хөнгөлөх гэх мэт хөнгөлөлт эдлүүлэхээр зорьж байгаа аж.

Энэ тал дээр “БиДиСек” компанийн гүйцэтгэх захирал Д.Даянбилгүүн “25 хувийн татвар чангадаад байгаа юм биш. Хөрөнгийн зах зээл рүү компаниудыг татъя гэвэл урамшуулал хэрэгтэй. Яагаад энэ зах зээлд орж ирэх ёстой вэ гэдэг асуултад ийм давуу тал, боломж байна гээд тодорхой хариулт өгч, таатай орчинг санал болговол компаниуд үнэт цаасаа гаргана” гэж хэлж байна. Мөн тэрбээр тус зах зээлийн татварыг тэглээд хөрөнгийн зах зээл гаднын хөрөнгө оруулагчдад таатай орчин мөн цаашид тогтвортой байна гэдгийг зарлачихвал гаднын хөрөнгө оруулагчид Монголын компанийн хувьцааг гаднын аль нэг биржээс авах уу эсвэл Монголоос авах уу гэдэг шийдвэрийг жинлэж, манайх руу хандах боломж үүснэ гэсэн юм.

Олон компаниудын амжилтын үндсийг байгуулагчийнх нь авьяас, аз болон үзүүлж буй үйлчилгээ бүтээгдэхүүнийх нь оновчтой ба хүртээмжтэй байдал зэрэгтэй холбон тайлбарладаг. Гэвч хөрөнгө оруулалтын тохиромжгүй хувилбарыг сонгосноор компанийн ирээдүй бүдгэрч, өсөлт үлэмж хэмжээнд хазаарлагддагийг санхүүгийн мэргэжилтнүүд баталсан байдаг билээ.
Монголын үнэт цаасны зах зээлд хөгжил, хөшүүрэг бий болж байгаа ч улам бүр эрчимжүүлэх бодит хөрс хэрэгтэй байна.

эх сурвалж: http://www.mongolianeconomy.mn/

 

2014 оны 9-р сар “Барилга орон сууц 2014” үзэсгэлэнгийн судалгаа

Дүүрэг Байршил Хотхоны нэр 1 м2 талбайн үнэ, төгрөг Ашиглалтанд орох он Утас Өрөө, талбайн сонголтууд
ХУД ХУД-ийн Хөдөлмөр Нийгмийн халамжийн хэлтэс Ивээл хотхон 2400000 2014 оны 4-р улиралд 89005866; 94005866; 2 өрөө; 52.36 м2-52.67 м2-46.84 м2, 3 өрөө; 75.13 м2-74.58 м2-68.76 м2-77.60 м2
ХУД 11-р хороо, Зайсан толгойн зүүн талд Тохилог Зайсан хотхон 2700000 2013онд 89301878; 89301898 2 өрөө: 55.72 м2, 3 өрөө: 74.97 м2, 4 өрөө: 87.36 м2 – 108.49 м2
ХУД 11-р хороо,Зайсангийн тойруу гудамж Зайсан Голдон Вилл 2000000$ 2014 оны 10-р сард 91119211; 99901414; 3 өрөө; 73.95 м2, 4 өрөө; 134.32 м2, 5 өрөө; 168.28 м2
ХУД 11-р хороо, ХААИС-ын баруун талд Соёмбо хороолол 2600000 2013онд ашиглалтанд 88116242; 4 өрөө; 152.28 м2-141.08 м2
ХУД 15-р хороо, Улаанбаатар рашаан сувилалын урд талд UB TOWN хотхон 2200000 2104оны 11-р сард 91009872; 99009872; 2 өрөө; 43.22 м2, 3 өрөө; 62.36 м2-63.92 м2
ХУД 19-р хороолол, Чингэсийн өргөн чөлөө Цэлмэг тэнгэр хотхон 2100000 2014оны 4-р улиралд 99062344; 2 өрөө; 58.13 м2-59.76 м2-39.16 м2-39.67 м2-40.78 м2-41.28 м2-59.25 м2-59.83 м2-61.49 м2-62.10 м2-58.05 м2-59.84 м2, 3 өрөө; 78.39 м2-80.29 м2
ХУД 3-р хороо,Үйлдвэрийн гудамж 67, Витафит үйлдвэрийн хойно Дэлгэр хотхон 2200000 2014оны 4-р улиралд 77188188; 93188188; 96188188; 2 өрөө; 53.8 м2-36.0 м2-44.8 м2, 3 өрөө; 61.1 м2-72.0 м2
ХУД 15-р хороо, 115-р сургуулийн урд Миний гэр хотхон 2680000 2014 оны 12-р сард 89018822; 89028822; 89038822; 2 өрөө; 51.95 м2-41.45 м2-34.15 м2-48.42 м2-57.65 м2-48.47 м2
ХУД 3-р хороо, Шинэ гүүрний баруун талд Сайхан хотхон 2480000 2015 оны 9-р сард 99009872; 91009872; 2 өрөө; 51.42 м2-40.25 м2-79.65 м2-58.95 м2, 3 өрөө; 69.1 м2
ХУД 11-р хороо  Зайсан Виллаж хотхон 2600000 2014 оны 1-р сард 99809848; 94099848; 70009295; 4 өрөө; 120 м2
ХУД 11-р хороо, Зайсан хороолол, Дүнжингарав гудамж General Town 2980000 2015 оны 1-р улиралд 99062344; 332233; 2 өрөө; 54.78 м2-55.1 м2, 3 өрөө; 81.98 м2-66.0 м2, 4 өрөө; 121.6 м2
ХУД Зайсангийн ам, Американ сургуулийн чанх урд Luxury apartment 2 2500000 2014 оны 4-р улиралд 94998910; 94998914; 94998922; 1 өрөө; 35.8 м2-41 м2-36.9 м2; 2 өрөө; 2 өрөө; 50.4 м2-51.5 м2-36.9 м2-3 өрөө; 99.5 м2-99.2 м2
БГД 20-р хороо, Тээвэрчдийн гудамж Эрин хороолол 2200000 2014оны 4-р улиралд 70004036; 94100888;      91300888;   1 өрөө: 29.42 м2, 2 өрөө: 54,09 м2-54,43 м2-58,16 м2-50,53 м2-50,53 м2-51,57 м2-59,79 м2, 3 өрөө: 76,63 м2
БГД 9-р хороо, 3-4 р хорооллын эцэст, Сот 3-ийн байруудын баруун талд Стандарт форм хотхон 1900000 2014оны 4-р улиралд 70142856; 89012856; 89072856; 99092574; 1 өрөө: 41.7 м2-45.8 м2-45.8 м2, 2 өрөө: 46.9 м2-42.4 м2-49.38 м2-38.4 м2
СХД 21-р хороолол, 27-р хороо, Чингэс  Соосэ дээд сургуулийн баруун талд Чухаг хотхон 1650000 2014оны 4-р улиралд 99109283; 88118239; 94008239; 1 өрөө; 38.96 м2, 2 өрөө; 53.09 м2-56.71 м2-59.81 м2, 3 өрөө; 82.45 м2
СХД 4-р хороо, Чингис Соосэ дээд сургуулийн хойд талд Орчлон хороолол 1845000 2014онд  88113488; 88074107; 2 өрөө: 41.52 м2,-38.4 м2-49.72 м2-40.74 м2-43.6 м2, 3 өрөө:  80.7 м2-70.8 м2-72.3 м2-56.74 м2-70.1 м2-52.93 м2
СБД 19-р хороо, 21-р хороолол сургуулийн хажууд Шинэ мөрөөдөл хотхон 1850000 2014оны 9-р сард 70006163; 89097577; 89097558; 99723594; 1 өрөө; 17.8 м2-29.8 м2-33.5 м2-33.5 м2-30.2 м2-30 м2-33.8 м2, 2 өрөө; 33 м2-33.5 м2-32.2 м2-56 м2
СБД 19-р хороо, Драгон төвөөс хойш 21-р хороолол явах замд, Мираж зочид буудлын баруун хойно Апартмент 88 1600000 2015 оны 1-р улиралд 95091169;  1 өрөө; 34.1 м2-43.3 м2, 2 өрөө; 48.4 м2-46 м2-48.9 м2-48.4 м2-49.4 м2-59.8 м2
СБД  1-р хороо, Замын цагдаагийн баруун хойно, Хүүхдийн паркын зүүн талд Өгөөж хишиг 4200000 2014 оны 11-р сард 99199452; 95090402; А сууц; 130.54 м2, Б сууц; 107.88 м2, В-сууц; 142.1 м2, Г сууц; 66 м2, Е сууц; 135.27 м2, Д сууц; 68.65 м2
СБД 11-р хороо, 32-ын тойргийн зүүн урд талд Шинэ Улаанбаатар     77208888; 89628888; 89638888; 89468888; 89768888; 3 өрөө; 74.0 м2-73.0 м2-90.1 м2-87.6 м2, 4 өрөө; 106.2 м2
БЗД 25-р хороо, 13-р хороолол, Натур төвийн чанх урд Luxury apartment 1 2500000 2014оны 4-р улиралд 94998908; 94998905; 94998915; 1 өрөө: 39.6 м2, 2 өрөө: 43.6 м2-43.6 м2-44.4 м2-63.8 м2, 3 өрөө: 93.7 м2
БЗД 13-р хороолол, 25-р хороо, Хуучин Натур худалдааны төвийн урд Тэнүүн апартмент-2 2300000 2014 оны 9-р сард 91050400; 91420400; 91440400; 2 өрөө; 57.95 м2-68.75 м2, 3 өрөө; 78.65 м2
БЗД 3-р хороо, Клинкийн 2-р эмнэлэгийн зүүн талд Эрдэнийн 108 хотхон 2500000 2015 оны 4-р улиралд 94041190; 94031190; 2 өрөө; 46.08 м2-47.18 м2-47.67 м2-41.14 м2-46.08 м2-47.18 м2-47.67 м2-41.14 м2, 3 өрөө; 62.5 м2-62.5 м2-62 м2
БЗД 13-р хороолол, Натур худалдааны төвийн баруун тал, Сэлбэ голын зүүн талд Бүрд пропертиз 200000$ 2014 оны 9-р сард 70000055; 2 өрөө; 69.48 м2-61.54 м2
БЗД 25-р хороо, 13-р хороолол, Манлайбаатар Дамдинсүрэнгийн гудамж Легаси апартмент 1900000 2015 оны 8-р сард 94005511; 94006611; 94007711; 2 өрөө; 53.63 м2, 3 өрөө; 70.02 м2
БЗД 6-р хороо, Баян Монгол хороололын зүүн талд Олимп хотхон 2700000 2015 оны 2-р улиралд 99029268; 99039268; 99049268; 99069268; 99079268; 999009268; 2 өрөө; 57.70 м2-50.10 м2-53.80 м2-54.00 м2-50.97 м2-59.17 м2, 3 өрөө; 73.96 м2-82.11 м2-79.20 м2-83.20 м2-81.20 м2-79.80 м2, 4 өрөө; 106 м2, 5 өрөө; 138.58 м2
БЗД 26-р хороо, Баяан Монгол Дүнжингарав хороололын дунд Саруул хотхон 1900000 2015оны 1-р улиралд 88084894; 99174535; 96660606; 89100606; 1 өрөө; 33.4 м2-31.4 м2, 2 өрөө; 40.6 м2-54.6 м2-72.6 м2-42 м2-44 м2, 3 өрөө; 80.4 м2-67.4 м2-67.4 м2-88.2 м2, 4 өрөө; 117.5 м2-103.3 м2
БЗД 26-р хороо, Баян Монгол хорооллын урд талд Olybpic Village 2480000 2014 онд 99851023; 96110022; 50110022; 50110033; 2өрөө; 54.99 м2-43.98 м2-49.14 м2-45.3 м2, 3өрөө; 56.15 м2
БЗД 11-хороо, Хонхорт Цэцэрлэгт хороолол Үнэ тогтоогоогүй 2015 оны 2-р улиралд 95951607; 95951608; 95951609; 88736058; 1 давхар,2 давхар-424.14 м2, 1 давхар,2 давхар-291.3 м2, 1 давхар,2 давхар-346.09 м2,1 давхар,2 давхар-236.08 м2, 1 давхар,2 давхар-265.36 м2,1 давхар,2 давхар-276.41 м2, 1 давхар,2 давхар-288.53 м2
БЗД 25-р хороо, 13-р хороолол Амартүвшин хороолол 2500000 2014оны 2-р улиралд 86618888; 86628888; 86638888; 86648888; 86658888; 94091159; 95091179; 1 өрөө; 42.99 м2, 2 өрөө; 80.77 м2-47.61 м2-48.37 м2-61.09 м2-73.23 м2-94.25 м2-51.85 м2-61.63 м2, 3 өрөө; 86.93 м2
БЗД 26-р хороо, Дүнжингарав худалдааны төвийн баруун урд Sunny Town 2600000 2014 оны12-сард 91113831; 91115850; 91113832; 91115851; 91115852; 2 өрөө; 50.5 м2, 3 өрөө; 62.12 м2-74.72 м2-54.93 м2, 4 өрөө; 88.61 м2

Түрээсийн үнээр оффисоо өмчлөх боломжийг бүрдүүлнэ

Энэ удаа бид Нийслэлийн дахин төлөвлөлтөд орсон долдугаар хороололд оффисын барилга барьж буй Мастер группын Ерөнхий захирал Ц.Дашцэрэнтэй долдугаар хороолол болон оффисын барилгын өнөөгийн нөхцөл байдлын талаар ярилцлаа. 
-Хэд хэдэн Засгийн газар дамжин яригдсан долдугаар хороолол бодитоор ажил болох нь гэх нэг хэсэг байхад долдугаар хороолол дахиад л домог болно гэх нөгөө хэсэг бас байна. Тус хороололд төсөл хэрэгжүүлж байгаа хүний хувьд энэ талаар юу хэлэх вэ? 
-Өнөөдөр долдугаар хорооллыг харахад гэр хорооллоор хүрээлэгдсэн байгаа нь үнэн. Гэхдээ тавхан жилийн дараа тэнд хотын цоо шинэ өнгө төрхийг илэрхийлсэн бизнесийн шинэ төв бий болох юм. Үүний баталгаа болгож хоёрхон зүйл хэлмээр байна. Эхнийх нь Засгийн газраас долдугаар хорооллын дэд бүтцийн асуудлыг шийдсэн учир энэ жил тавигдаад бүрэн дуусч байна. Дараагийн нэг баталгаа нь долдугаар хорооллын орчимд 300 метрийн тойрогт 10 оффис, хоёр худалдааны төв баригдах ерөнхий төлөвлөгөө гараад эхний барилгууд нь ашиглалтанд орчихоод байна. Тухайлбал, Шинэ дэлхий оффисын барилга ашиглалтанд орчихлоо. Одоогоор гурав дөрвөн ч компани оффисын барилгын ажлаа эхэлчихээд явж байна. Түүний нэг нь манай компанийн “Pro one” төслийн барилга юм.
-Өнөөдөр гадуур баригдаж байгаа зарим оффисын барилга зарагдахгүй удаж байна. Гэтэл долдугаар хороололд 10 оффис баригдах талаар ярьж байгаа. Оффисын барилга зарагдахгүй байхад танай компани яагаад оффис барьж эхэлсэн юм бэ? 
-Оффис барих болсон шалтгаан нь байршилдаа байгаа. Улаанбаатар хотод оффис олон газар баригдаж болно. Баригдсаар ч байгаа. Гэхдээ манай байршлын хамгийн чухал нь Бизнесийн шинэ төв цэгт. Учир нь хотод газар байхгүй болохоор орон сууцны дунд ганц нэг оффисийн барилга салангид баригдаж байна. Гэтэл дэлхийн томоохон хотуудыг харахад хот бүрт томоохон бизнес төвүүд байдаг. Лондон, Москва, Бээжин гээд бүх томоохон хотуудад ийм төв бий. Харин тэдгээр бизнес төвүүдийн онцлог нь хотын төвд, олон оффис худалдааны төвүүд зэрэгцэн оршиж байдагт оршдог. Тэгвэл Монголд анх удаагаа 300 метрийн тойрогт 10 оффис, хоёр худалдааны төв баригдахаар төлөвлөгдөөд явж байна. Тиймээс энэ бол Улаанбаатар хотын цорын ганц бизнесийн шинэ төв болох юм. Нийслэлд бизнесийн шинэ төв баригдаж байгаа нь нэг талаар Монгол Улсын нийслэл дэлхийн жишгээр хөгжих эхлэл юм. Тэр ч утгаараа долдугаар хороолол орчмын байршил оффис барихад хамгийн тохиромжтой газрын нэг яах аргагүй мөн. Нөгөө талдаа манай компанийн хувьд барилга барихын тулд бүрэн хэмжээний судалгаа явуулсан. Уг судалгааны үндсэн дээр оффисын барилга барих нь зөв гэдэг шийдэлд хүрсэн. Бизнесийн шинэ төв цэг Чингисийн талбайгаас машинаар явахад дөрөвхөн минут, алхахад 15 минут очих байршилд бий болж байна.
-Тэгвэл өнөөдөр оффисын барилга зарагдахгүй байгаа нь ямар шалтгаантай юм бол? 
-Өнөөдөр оффисын барилгын нэг ам метр талбайн үнэ 5-6 сая төгрөг байна. Гэтэл худалдаж авах гэж байгаа хүмүүсийн хүлээлт нэг ам метр талбайг ойролцоогоор 2.5-3 сая төгрөгөөр авах санхүүгийн боломжтой байдаг нь судалгаанаас харагдсан. Үүнтэй холбоотой оффисын  зах зээлийн эрэлт нийлүүлэлтийн дунд томоохон ангал үүсчихээд байгаа юм.
 
-Ангалын хоёр талд байгаа эрэлт нийлүүлэлтийг холбох гүүр бий болгох боломжтой юу? 
-Өнөөдөр хүн бүр үндэсний үйлдвэрлэгчдээ дэмжих талаар ярьж байна.
“Гэтэл дотоодын үйлдвэрлэгчид
оффисынхоо түрээсэнд
дарлуулдаг  талаар бизнес
эрхлэгчид бүгд л гомдоллодог”  
Тэгвэл манай судалгааны алба дотоодын эрэлтийн талын хүсэл сонирхлыг нарийн судалсан. Тэр утгаараа бидний хэрэгжүүлж буй Pro one төсөл нь дотоодын бизнес эрхлэгчдэд буюу 4-10 жил тогтвортой үйл ажиллагаа явуулсан, 10-40 ажилтантай хувийн компаниуд жишээлбэл даатгалын, замын, программ хангамж, ХАА-ийн гэх мэт компаниудад зориулж, бодитой судалгаанд үндэслэн  барьж байгаа Монголын хамгийн анхны оффис гэдгээрээ онцлогтой. Учир нь бид зөвхөн судалгаанд үндэслэн шийдвэр гаргадаг. Тэр ч утгаараа манай компани өртөг зардал болон ашгаа тооцоод оффисынхоо үнийг 2.8-3.6 сая төгрөгөөр тогтоосон. Тухайн үнэ бол өнөөгийн зах зээлийн бодит ханш юм.
“Зөв бизнес хийхийн тулд эрэлт нийлүүлэлтийн аль алинд нь  
шударга ашигтай байх зарчмыг баримтлах хэрэгтэй.
Тиймээс бидний тогтоосон үнэ одоогийн цаг үед
хэдийгээр хямд мэт байгаа боловч зах зээлийн
судалгаанаас харахад хамгийн эрүүл үнэ гэдэг нь батлагдсан
-Та бодит судалгаанд үндэслэсэн оффисын барилга гэж хэд хэдэн удаа дурдлаа. Ер нь Монголд судалгаанд суурилсан оффисын барилга хэр олон байдаг вэ? 
-Бодит судалгаанд үндэслэн барьж байгуулсан оффисын барилга манайд маш цөөхөн. Central Tower, Blue Sky цамхаг бол тодорхой судалгаанд суурилсан байх. Гэхдээ тэдний зорилтот хэрэглэгчид гаднынхан. Түүнээс биш дотоодын үйлдвэрлэгчдэд зориулсан оффисын барилга биш. Тухайлбал, эдгээр оффисын талбайн сарын түрээс дунджаар ам метр нь 40 ам.доллар байх жишээтэй. Ийм хэмжээний төлбөрийг гаднын хөрөнгө оруулалттай газрууд л төлж чадна шүү дээ. Бидний хувьд дотоодын эрэлтэд тулгуурласан болохоор энэ талаар нарийн судалгаа хийсэн. Түүнчлэн оффисын үйлчилгээний талаарх судалгаа авахад эрэлтийн талаас шаардлага нь хүрэлцээтэй хэмжээний цахилгаан шат, оффисын СӨХ-ийн үйлчилгээ сайн байх, гадна зогсоол, ажилчдад ая тухтай эрүүл орчин, байх  хэрэгтэй гэсэн. Энэ шаардлагын дагуу бид 8-16 хүний багтаамжтай 3 цахилгаан шат, барилгын дээвэр дэхь терраст ногоон байгууламжтай хийхээр төлөвлөсөн. Мөн  Мастер пропертис компани дотроосоо СӨХ томилохоор болсон. Энэ нь компанийн хариуцлагаас гадна хэрэглэгчдэд үзүүлж байгаа баталгааны нэг юм. Товчхондоо судалгаа хийсний үр дүнд эрэлтийн хүсэл сонирхолд үндэслэн оффисын барилга барихаар төлөвлөсөн гэсэн үг. Мөн үнийн талаарх судалгаа хийж байхдаа бизнесээ эхлүүлж байгаа болон бусад бизнесмэнүүдэд зориулаад “Шаанс” хөтөлбөрийг зарлаж  байгаа. Магадгүй энэ нь таны дээр дурдсан ангалыг холбох гүүр болж болох юм.
-“Шаанс” хөтөлбөрийн талаар тодруулахгүй юу?
-Шаанс буюу бизнесийн боломж хөтөлбөрийн гол зорилго нь эдийн засаг хүнд байхад дотоодын бизнес эрхлэгчид нэг жилийн хугацаанд сар бүр түрээсийн төлбөртэй тэнцүү хэмжээний төлбөр төлөөд оффис худалдан авах боломжийг бүрдүүлэхэд оршино.Энэ хөтөлбөрийг зарлахаасаа өмнө бид түрээсийн судалгаа хийж үзсэн. Тухайн судалгаанаас харахад өндөр зэрэглэлтэй оффисын нэг ам метр талбайн дундаж үнэ 53,8 ам доллар, дундаж зэрэглэлтэй оффисын ам метр талбайн түрээсийн үнэ 28,8 ам.доллар байдаг юм билээ. Тэгэхээр хэрвээ та 100 ам метр талбай түрээслэдэг бол сард дунджаар 4,3-9,9 сая төгрөг, жилд 51сая-100сая төгрөг зөвхөн түрээсийн төлбөрт төлөхөөр байна. Энэ судалгааны үндсэн дээр бид “Шаанс” хөтөлбөрт хамрагдаж оффис худалдан авах гэж байгаа худалдан авагчид  хэдэн метр талбай худалдаж авахаасаа шалтгаалаад сардаа гурав, тав, долоон сая төгрөг төлөөд өөрийн гэсэн өмчтэй болох боломжийг олгож байгаа юм. Гэхдээ боломж мэдээж хязгаартай. Манай оффис одоогоор 35%-ийн борлуулалттай байгаа, үлдсэн талбайгаас цөөн хэдэн талбайг  “Шаанс” хөтөлбөрт хамрагдсанаар авах боломжтой болох юм. Магадгүй энэ хөтөлбөрт хамрагдах нь бизнесмэн хүний хамгийн зөв хөрөнгө оруулалт байж болно. Учир нь ойрын хэдэн жилд үнэ нь хэд дахин өсөх байршилд түрээсийн төлбөрөөр өөрийн гэсэн үл хөдлөх хөрөнгөтэй болох боломжийг бид танд олгож байна.
– Магадгүй манай уншигч нараас шаанс хөтөлбөрт хамрагдах хүсэлтэй хүмүүс хаанаас мэдээлэл авах уу?
-Манай борлуулалтын мэргэжилтэнтэй 9990-0181 утсаар холбогдож дэлгэрэнгүй мэдээлэл авах боломжтой.
– Баярлалаа, Та бүхэнд ажлын амжилт хүсье. 
Mongolian Economy

Уул уурхайн салбар энэ жилийн эхний хагаст

Уул уурхайн салбар өнөөдөр хагас жилийн статистик мэдээллээ танилцууллаа.  Тус салбар нь Монгол Улсын дотоодын нийт бүтээгдэхүүний 18.5 хувь, аж үйлдвэрийн салбарын нийт үйлдвэрлэлийн 66 хувь, нийт экспортын 83.2 хувь, улсын нэгдсэн төсвийн орлогын 17.5 хувь, гадаадын хөрөнгө оруулалтын 81 хувийг бүрдүүлдэг.
Эхний хагас жилийн байдлаар зэсийн баяжмалын үйлдвэрлэл 479.9 мянган тонн, нүүрсний үйлдвэрлэл 11.7 сая тонн, алтны үйлдвэрлэл гурван тонн, хайлуур жоншны баяжмалын үйлдвэрлэл 159.5 мянган тонн байгаа аж. Мөн төмрийн хүдрийн үйлдвэрлэл 2.7 сая тонн, цайрын баяжмалын үйлдвэрлэл 46.8 мянган тонн, газрын тосны үйлдвэрлэл 3.6 сая баррелыг олборлоод буй аж.

Read More